Молитва Господу Иисусу

Молитва Господу Иисусу



Слава Тебе, Господи Иисусе Христе, Боже мой, яко паки сподобил мя еси недостойнаго, прешедша поприще святаго поста, поклонитися Божественным Страстем Твоим и видети всерадостный день преславнаго из гроба Воскресения Твоего, воньже свободил еси сущия во аде от век связанныя души праведных. Тоя Божественныя свободы духа и плоти, дражайший Спасителю мой, и аз желаю, да разреши мя, связана суща многими грехи, и да сотвориши возсияти живоносному свету Воскресения Твоего во мрачней души моей: вижду бо безчисленныя щедроты и неизреченное человеколюбие Твое, яко не точию от небытия в бытие мя привел еси, и образа Твоего подобием украсив, всея дольния твари владыку поставил мя еси, но и посем падша с высоты и врагу поработившася, не оставил еси, но, искупив мя безценною Кровию Твоею, благодатию крещения снабдил мя еси, да востеку на первое достояние. Аз же, окаянный, запят быв умом плотским, обратихся вспять и паки раб сотворихся греха и страстей, донележе един по единому погубих вся дары благодати Твоея. И ныне убо, что сотворю, не вем: обаче помянув глаголы пречистых уст Твоих, яко не пришел еси призвати праведники, но грешники в покаяние, и аз, яко един от сих, с верою и смирением прихожду к Живоносному Гробу Твоему, не ароматы и воню мира носяй (наг бо есмь и пуст благих дел), но паче надежду имый обрести в нем прощение грехом моим и обновление нечистому житию моему. Призри убо на мя, кающася и служити Тебе хотяща, и не отрини от благодати Воскресения Твоего! Живоносною смертию Твоею и погребением умертви моя лютыя страсти, да яко мертв и погребен живу в мире сем. Преславным востанием Твоим воздвигни мою душу, умерщвленную грехи, и оживи совесть, еяже ничтоже в мире нужнейше есть. Вознесением Твоим отторгни мя от суетных и душетленных благ земных, и сотвори мя горняя мудрствовати, яко да не ктому себе живя и угождая, но Тебе, Господу и Богу моему, служа и работая, якоже сподобихся поклонитися Воскресению Твоему на земли, тако сподоблен буду видети Тебе, дражайшаго Искупителя моего, и на Небеси, за приятие смерти крестныя славою и честию венчанна, и став одесную величествия Твоего, со Архангелы и Ангелы, и со всеми искупленными Тобою братиями моими, во веки веков пою Тебе: Аллилуиа. Аминь.

Смотрите также  Молитва ко Господу Иисусу Христу
Оцените, пожалуйста, этот материал 1 звезда2 звезды3 звезды4 звезды5 звезд (Еще нет голосов, оставьте первым)
Загрузка...

Комментарии

  • александр

    СЛАВА тебе ИИСУСИ ХРИСТЕ. СЛАВЬСЯ СЛАВЬСЯ СЛАВЬСЯ. Молюсь тебе , прошу тебя раб божий Александр.Помоги мне в тяжелом душевном и материальном состоянии . Воимя ОТЦА И СЫНА И СВЯТАГО ДУХА . АЛЛИУЯ .АМИНЬ

  • О госбодь, услышь мои молитвы, я знаю ты меня слышишь и помогаешь мнене, благодарю тебя заа все самоее лучшее что есть у меня в жизни.Прости меня заа мои грехи. Спасибо Бог за все. АМИНЬ

  • Господи Иисусе Христе Спасителю мой помилуй нас грешных рабов божиих Олега и Юлию! Прости нам грехи и беззакония наши. Снизойди своею благодатию, на нас грешных и очисти от всякия скверны. Огради от бед и напастей диавольских, от искушений, грехопадений и болезней тяжких. Даруй нам грешным взаимной любви, доверия, терпения и заботы друг о друге и детях наших. Избави от злобы и обиды друг к другу. Дай благоразумия и здравомыслия. Помоги обрести семейное счастье и настави на путь истинный. До скончания века. Аминь.

Добавить комментарий

Ваш e-mail не будет опубликован. Обязательные поля помечены *